प्रधानमन्त्री दाहालको निजी चिकित्सकमा प्रा.डा. शर्मा नियुक्त
प्रधानमन्त्री पुष्पकमल दाहालको निजी चिकित्सकमा प्रा.डा. युवराज शर्मा नियुक्त हुनुभएको छ । गत फागुन ११ गते बसेको मन्त्रिपरिषद्को बैठकले प्रा.डा. शर्मालाई प्रधानमन्त्री दाहालको निजी चिकित्सक नियुक्त गरेको हो । प्रा.डा. शर्माले हिजो सोमबार नियुक्तिपत्र बुझेको बताइएको छ । पेट तथा कलेजो रोग विशेषज्ञ प्रा.डा. शर्मा पाटन स्वास्थ्य विज्ञान प्रतिष्ठानको ‘इन्टर्नल मेडिसिन’ विभागमा कार्यरत हुनुहुन्छ । प्रा.डा. शर्माले इन्टरनल मेडिसिन र ग्यास्ट्रोइन्टेरोलोजीमा एमडी गर्नुभएको छ ।
