राजनिती

पुस १७ । राष्ट्रिय प्रजातन्त्र पार्टी (राप्रपा) को पदाधिकारी बैठकले गरेको निर्णय अवैधानिक भएको भन्दै पूर्वअध्यक्ष कमल थापाले आपत्ति जनाएका छन्। अध्यक्ष राजेन्द्रप्रसाद लिङ्देनको अध्यक्षतामा शुक्रबार बसेको बैठकले राप्रपाका काभ्रे जिल्ला अध्यक्ष, उपाध्यक्ष, सचिवलगायतलाई कारबाही गर्ने निर्णय गरेको थियो। थापाले उक्त निर्णयप्रति आपत्ति जनाएका हुन्।

तनहुँ, पुस १७ । नेकपा (एकीकृत समाजवादी) का अध्यक्ष माधवकुमार नेपालले देशका निम्ति इमान्दारितापूर्वक काम गर्ने प्रतिबद्धता व्यक्त गरेकाछन् । तनहुँको भानु नगरपालिका–३ स्थित बौद्ध हिमाल तामाङ गुम्बाले आज आयोजना गरेको कार्यक्रमलाई सम्बोधन गर्दै अध्यक्ष नेपालले एकीकृत समाजवादी पार्टी गठनसँगै युवा, महिला, आदिवासी, जनजाति उत्साहित भएको बताए । “इमान्दारिता र जनताप्रति समर्पणको भावनाबाट ओतप्रोत भएको पार्टी जन्मिदा सबै उत्साहित भएका छन्”, पूर्वप्रधानमन्त्रीसमेत रहेका नेपालले भने, “हाम्रो पार्टी नेपालको राजनीतिमा तारा जस्तै चम्किन्छ ।” अध्यक्ष नेपालले गोरखा, लमजुङ र गोरखालाई एकीकृत गरी ठूलो सहर बनाउनेतर्फ छलफल भएको उल्लेख गर्दै भने, “तीनवटै जिल्लाको एकीकृत विकासका लागि सरकारको ध्यानाकर्षण गराउँछु ।” अध्यक्ष नेपालले…