हेडलाईन

शान्तिपूर्ण एवं सुरक्षित समाजका लागि चितवनका स्थानीय तहका विद्यार्थीलाई नेपाल प्रहरीले पालिकाको सहकार्यमा पाठ्य सामग्री तयार पारेको छ । जिल्ला प्रहरी कार्यालय चितवनले चेतनामूलक विद्यालय पाठ्य सामग्री २०७९ तयार गरी जिल्लाका सातै पालिकासँग सम्झौता गरेर पाठ्यक्रमको रुपमा प्रयोग गरेको हो । विसं २०७८ चैत २४ गते भरतपुर महानगरपालिकासँग सम्झौता गरेर पाठ्य सामग्री विद्यालयमा सुरु गरिएकोमा हिजो आइतबार इच्छाकामना गाउँपालिकासँग सम्झौता गरी जिल्लाभर पु¥याएको हो । ती पाठ्य सामग्री केही परिमार्जन गर्दै सम्बन्धित पालिका र जिल्ला प्रहरी कार्यालयको साझेदारीमा छपाइ गरेर बाढिएको जिल्ला प्रहरी कार्यालय चितवनका प्रमुख प्रहरी उपरीक्षक नवराज अधिकारीले जानकारी दिनुभयो । जिल्लाका सबै विद्यालयमा पुग्ने गरी पाठ्य सामग्री…

नारायणगढ मुग्लिन सडक खण्डमा भोलि ५ गते देखि एकमहिना दैनिक चार घण्टा सवारी आवागमन रोकिने भएको छ । सडक खण्डमा पर्ने पुल निर्माणका लागि सवारी रोक्न लागिएको हो । सडक बिहान ११ बजेदेखि दिउँसो ३ बजेसम्म रोकिने छ । भौगोलिक रुपमा कठिन ठाउँमा रहेका सिमलताल, कालीखोला, तुईन खोला र चिसेन्जी खोला पुल निर्माणका लागि पहाड काट्ने लगायतका कामको लागि सवारी आवागमन रोक्न लागिएको जिल्ला प्रहरी कार्यालय चितवनले जनाएको छ ।

नवलपरासी (बर्दघाट–सुस्तापूर्व)को गैँडाकोट नगरपालिकामा रहेको मौलाकालिका मन्दिर जान आगामी तीन महिनाभित्र केबलकार चढ्न पाइने भएको छ । निर्माण कम्पनी ‘मौलाकाली केबलकार प्रालि’ले आगामी फागुन महिनाभित्र केबलकार निर्माण सम्पन्न गरी सञ्चालन गर्ने तयारी गरेको छ । गैँडाकोट–१ स्थित ऐतिहासिक महत्व बोकेको धार्मिकस्थल मौलाकालिका मन्दिरमा जानका लागि केबलकारको निर्माण अन्तिम चरणमा रहेको कम्पनीका व्यवस्थापक गोकुल सावदले बताउनुभयो । यसका लागि स्थानीय धार्मिक र सामुदायिक वनको सानाठूला गरी एक हजारभन्दा बढी रुख कटान गरिएको थियो । वन मन्त्रालयले दिएको स्वीकृतिका आधारमा सालकासहित एक हजार ३८ रूख काटिएको डिभिजन वन कार्यालयले जनाएको छ । गैँडाकोटमा आइएमइ समूहले केबलकार सञ्चालनमा ल्याउन लागेको बताइएको छ ।…

रत्ननगर ०४ पुस । चितवनको पर्यटकीय नगरी सौराहामा क्रिसमस इभको तयारी थालिएको छ । रेष्टुरेन्ट एण्ड बार एशोसियसन(रेवान) सौराहाले यस बर्षको क्रिसमस डे लाई भब्य बनाउने गरी तयारी थालेको हो । २५ डिसेम्बर, अर्थात पुस दश गते यस बर्ष क्रिसमस डे परेको छ । त्यसको पूर्व सन्ध्यामा पुस ९ गते सौराहामा भब्य कार्यक्रम आयोजना गरिने रेवानको अध्यक्ष नरेश गिरीले जानकारी दिए । इसाई धर्मावलम्बीहरूको सबैभन्दा ठूलो पर्व क्रिसमस इभलाई पर्यटक भित्र्याउने माध्यमको रुपमा लिएर तयारी थालिएको उनले बताए । क्रिसमस डे आउन एक हप्ता देखि नै सौराहालाई सझाउन थालिएको छ । सौराहाको मुख्य बजारमा ध्वजापतका टागिएको छ । पुस ९…

चितवनमा चालु आर्थिक वर्षको पाँच महिनाको अवधिमा सवारी दुर्घटनामा परी ४० जनाको मृत्यु भएको छ । गत साउनदेखि अहिलेसम्म भएका एकसय ७२ दुर्घटनामा ४० जनाको मृत्यु भएको जिल्ला ट्राफिक प्रहरी कार्यालय चितवनले जनाएको छ । मृत्यु हुनेहरुमा ३३ पुरुष, पाँच महिला, एक बालक र एक बालिका रहेका छन् । ९१ गम्भीर घाइते र दुईसय १५ सामान्य घाइते भएका छन् । दुर्घटनामा दुईसय ४४ सवारीसाधन परेको कार्यालयको तथ्याङ्कले जनाएको छ । ती दुर्घटनामा पर्नेमा सबैभन्दा बढी एकसय ३५ तीव्र गतिमा सवारी चलाउने रहेका छन् । यस्तै ट्रक र ट्याङ्कर ३१, डेलिभरी भ्यान, जिप र कार ३४, माइक्रो छ, टेम्पो अटो रिक्सा…