पर्यापर्यटनमा जोड दिँदै पञ्चकन्या वन ः जङ्गलभित्रै साइकल मार्ग सञ्चालन गर्ने तयारी
गरिबी निवारणको लागि पञ्चकन्या सामुदायिक वनले पर्यापर्यटनमा जोड दिँदै आएको छ । सौराहा क्षेत्रमा आउने जुनसुकै देशका पर्यटकलाई पनि सामुदायिक वनप्रति आकर्षित गराउने लक्ष्यसहित पञ्चकन्याले विभिन्न खालका प्रयास गर्दै आइरहेको छ । विशेषतः मनिखोला पार्कलाई व्यवस्थित बनाउने र टिकौलीदेखि मनिखोला पार्कसम्मको साइकल मार्ग निर्माण गरिएको वनका अध्यक्ष कृष्णप्रसाद बगालेले जानकारी दिनुभयो । पञ्चकन्यामा बाघ, गैँडालगायतका चितवन राष्ट्रिय निकुञ्ज क्षेत्रमा पाइने सबै खालको वन्यजन्तु प्रशस्तै रहेको हुँदा तिनीहरुको व्यवस्थापनमा मात्रै ध्यान दिने हो भने आन्तरिक तथा बाह्य पर्यटकलाई सामुदायिक वन घुमाउन सकिने बताइएको छ । हाल मनिखोला पार्कमा मात्रै सीमित भइरहेको छ । जाडोको मौसममा वनभोज आउने र सानोदेखि ठूलो पर्दासम्मका…
