✍️अनुप पौडेल
भरतपुर,मंगलबार बेलुकी ४ः२० बजेको समयमा चितवनको भरतपुर महानगरपालिका वडा नं २१ पार्वतीपुरका ५६ वर्षीय टीकाराम विक आफ्ने घरभित्र मृत अवस्थामा फेला परेका छन् ।
प्रहरीले प्रारम्भिक अनुसन्धानका क्रममा सोमबार बिहान १० बजेको समयमा श्रीमानश्रीमतीबीच झगडा हुँदा ५४ वर्षीया श्रीमती बिनमाया विकले घरमै रहेको अचानोले टाउकोमा श्रीमानको हान्दा उक्त चोट लागेको बुझिन आएको बताएको छ ।
आफ्नै घरको कोठामा भित्रबाट चुकुल लगाई ओछ्यानमा लडिरहेको जानकारी प्राप्त हुनासाथ इलाका प्रहरी कार्यालय गीतानगर र जिल्ला प्रहरी कार्यालयबाट खटिएको प्रहरी टोलीले ढोकाको चुकुल फुटाई हेर्दा मृतक टीकाराम खुट्टाले भुईंमा टेकी टाउको र जिउको भाग खाटमा घोप्टो अवस्थामा रहेको र निजको तालुको भागमा काटेको चोटबाट अत्यधिक रक्तश्राव भई सिरानीमा जमेको अवस्थामा रहेको फेला पारेको हो।
मृतकको श्रीमती बिनमायालाई नियन्त्रणमा लिई अन्य अनुसन्धान जारी रहेको र घटनास्थल तथा लास जाँच मुचुल्का सम्पन्न गरी मृत’कको लास पोष्ट मार्टमको लागि भरतपुर सरकारी अस्पताल पठाइएको जिप्रकाका प्रहरी प्रवक्ता डिएसपी नरहरि अधिकारीले जानकारी दिए ।

प्रतिक्रिया

सम्बन्धित खवर