रेडियो अर्पण

नेपाल रेडक्रस सोसाइटीले विभिन्न जिल्लास्थित रेडक्रसका निकायलाई ३० वटा एम्बुलेन्स हस्तान्तरण गरेको छ । रेडक्रसको अन्तर्राष्ट्रिय महासंघको आर्थिक सहयोगमा प्रदान गरेको हो । आज मंगलबार काठमाडौंमा स्थानीय आवश्यकता पहिचान गरी ‘ख’ वर्गका एम्वुलेन्स खरिद गरी ३० जिल्ला स्थित रेडक्रसका निकायहरु मार्फत सञ्चालन गर्ने गरी सम्वन्धित जिल्लाका प्रतिनिधिहरुलाई हस्तान्तरण गरिएको हो । कार्यक्रममा रेडक्रसको अन्तर्राष्ट्रिय महासंघका महासचिव जगन्नाथ चापागाईले उक्त एम्वुलेन्स हस्तान्तरण गर्नुभएको हो । त्यस्तै, १५ जिल्ला शाखाहरुमा हाल उपलव्ध भएका एम्बुलेन्सको स्तरीकरण गर्ने काम पनि सम्पन्न भएको रेडक्रसले जनाएको छ । एम्वुलेन्स हस्तान्तरण गर्दै रेडक्रसको अन्तर्राष्ट्रिय महासंघका महासचिव चापागाईले अन्य जिल्लाहरुमा पनि अन्तर्राष्ट्रिय महासंघको आर्थिक सहयोगमा एम्वुलेन्स प्रदान गर्ने…

राष्ट्रिय सभाका अध्यक्ष गणेशप्रसाद तिमिल्सिनाले नवनिर्वाचित उपाध्यक्ष उर्मिला अर्याललाई पद तथा गोपनीयताको शपथ गराउनुभएको छ । राष्ट्रपति कार्यालयमा आज आयोजित समारोहमा राष्ट्रपति विद्यादेवी भण्डारीको उपस्थितिमा अध्यक्ष तिमिल्सिनाले उपाध्यक्ष अर्याललाई पद तथा गोपनीयताको शपथ गराउनुभएको हो । समारोहमा उपराष्ट्रपति नन्दबहादुर पुन, प्रधानमन्त्री पुष्पकमल दाहाल ‘प्रचण्ड’ प्रतिनिधि सभाका सभामुख देवराज घिमिरेको उपस्थिति थियो । यस्तै, संवैधानिक निकायका प्रमुख तथा प्रतिनिधि, विभिन्न राजनीतिक दलका नेता तथा सञ्चारकर्मीको पनि सहभागिता थियो । उपाध्यक्ष अर्याल सोमवार हिजो मात्रै उपाध्यक्षमा निर्विरोध निर्वाचित हुनुभएको हो । उहाँले आजै आफ्नो पदभार ग्रहण गर्ने कार्यक्रम छ ।

मधेस प्रदेशको मन्त्रिपरिषद्ले पूर्णता पाएको छ । मुख्यमन्त्री सरोजकुमार यादवले माओवादी केन्द्रलाई पनि सरकारमा सहभागी गराएर तेस्रो पटक मन्त्रिपरिषद् विस्तार गर्नु भएको हो । माओवादी केन्द्रबाट उद्योग वन तथा पर्यटन मन्त्रीमा सुनिता यादव र राज्यमन्त्रीमा रहबर अंसारी नियुक्त हुनुभएको छ । उहाँहरुको आजै शपथ ग्रहण हुनेछ । भागबण्डामा एउटा मात्रै मन्त्रालयले दिएपछि असन्तुष्ट भएको माओवादी सरकारमा सहभागी भएको थिएन । तर, केन्द्रीय नेतृत्वको हस्तक्षेप पछि सरकारमा सहभागी हुने निर्णय गरिएको माओवादीले जनाएको छ । यसअघि मुख्यमन्त्री सरोजकुमार यादवले पुस २९ गते तीन जना मन्त्री र माघ २० गते छ जना मन्त्री र तीन राज्यमन्त्री नियुक्त गर्नुभएको थियो । अब मधेस…