प्रवास

राष्ट्रपति रामचन्द्र पौडेललाई थप उपचारका लागि छिमेकी मुलुक भारत लगिएको छ । उहाँलाई आज श्री एयरलाइन्सको एयर एम्बुलेन्समार्फत् भारतको नयाँ दिल्ली लगिएको हो । राष्ट्रपति पौडेलको थप उपचार दिल्लीस्थित अल इन्डिया इन्सिच्युट अफ मेडिकल साइन्समा हुने बताइएको छ । उहाँलाई बिदाइ गर्न उपप्रधान एवं गृहमन्त्री नारायणकाजी श्रेष्ठ, परराष्ट्रमन्त्री एनपी साउदलगायतका त्रिभुवन अन्तराष्ट्रिय विमानस्थलमा पुग्नुभएको थियो । हिजो मंगलबार बिहान राष्ट्रपति पौडेल बेहोश भएपछि उहाँलाई महाराजगञ्जस्थित शिक्षण अस्पतालमा भर्ना गरिएको थियो । उहाँको छातीमा पीप जमेको अस्पताल स्रोतले जनाएको छ । एक साता अगाडि पनि उहाँ बिरामी परेर शिक्षण अस्पतालमै उपचार गरेर फर्किनुभएको थियो । पौडेलको परिवारले नै थप उपचारका लागि…