चर्चित अभिनेता तथा निर्देशक सतीश कौशिकको आज बिहीबार बिहान ६६ वर्षको उमेरमा नयाँ दिल्लीमा निधन भएको छ ।
आज बिहान साढे ५ बजे निधन भएपछि उहाँलाई अस्पताल लगिएको थियो । हाल उहाँको शव अस्पतालको शवगृहमा राखिएको छ । कौशिकको पोस्टमार्टम दिल्लीको दीनदयाल अस्पतालमा हुने जनाइएको छ ।पोष्टमार्टमपछि उहाँको शव मुम्बई लगिनेछ । गत मार्च ७ मा मात्र कौशिक जावेद अख्तरले जानकी कुटीर जुहुमा आयोजना गरेको होली पार्टीमा सहभागी हुनुभएको थियो । उहाँले त्यहाँको तस्बिर ट्विट गर्दै सबैलाई होलीको शुभकामना समेत दिनुभएको थियो । सतीशको मृत्युको कारण भने खुल्न सकेको छैन ।