चितवन सेरोफेरो

हिजो शनिवार राति सम्पन्न भएको नेपाल रेडक्रस सोसाइटी चितवन जिल्ला शाखाको ५१औंँ अधिवेशनले हरि पौडेलको सभापतित्वमा १७ सदस्यीय नयाँ कार्यसमिति चयन गरेको छ । उक्त समितिको उपसभापतिद्वयमा रत्नप्रसाद सापकोटा र सिर्जना अधिकारी, मन्त्रीमा राममणि खनाल, कोषाध्यक्षमा विजयराज खनाल, उपमन्त्रीमा महेश्वर थपलिया, उपकोषाध्यक्षमा चिजकुमार आले निर्वाचित हुनुभएको छ । पौडेलले निकटतम प्रतिस्पर्धी विजय शर्मा भुसाललाई ५७ मतान्तरले हराउँदै निर्वाचित हुनुभएको हो । पौडेलले एक सय १८ मत प्राप्त गर्दा भुसालले ६१ मत प्राप्त गर्नुभएको थियो । उक्त समितिको खुला सदस्यमा सात र महिला सदस्य तीनजना निर्वाचित भएका छन् । जसमा शशी महतो, अनु गौतम, शारदा शर्मा पौडेल, हरिप्रसाद न्यौपाने, दीपककुमार खड्का,…

पूर्वीचितवनको पर्यटकीय नगरी सौराहामा सेफ्टी ट्याङ्कीमा फँसेको एउटा गैँडाको जीवितै उद्धार गरिएको छ । आहाराको खोजीमा बस्तीमा छिरेको उक्त गैँडा सौराहास्थित रिभर भ्यू जङ्गल क्याम्प र हनी हाउसले संयुक्तरुपमा प्रयोग गर्ने गरेको शौचालयको सेफ्टी ट्याङ्कीमा फसेको थियो । राती करिब दुई बजे सेफ्टी ट्यांकीमा फँसेको उक्त गैँडाको बिहान साढे ४ बजेतिर उद्धार गरिएको निकुञ्जको सौराहा सेन्टरले जनाएको छ ।सेफ्टी टयांकीमा फँसेको सो गैँडालाई सुरक्षित तरिकाले जेसीवीको प्रयोग गरी उद्धार गरिएको थियो । राष्ट्रिय निकुञ्ज, सौराहाका नेचरगाइड र स्थानीय व्यवसायीको पहलमा गैंँडाको उद्धार गरिएको थियो । अन्दाजी १६ बर्षको उक्त गैँडालाई निकुञ्जले दुई वर्षअघि मेघौलीबाट उद्धार गरी ल्याएको थियो । उक्त…

राष्ट्रिय स्वतन्त्र पार्टीका सभापति रवि लामिछान आज साँझ चितवन आउँदै हुनुहुन्छ । उहाँको साथमा पार्टी उपसभापति डिपि अर्याल पनि चितवन आउन लाग्नुभएको छ । भोली शनिबार र पर्सी आइतबारका विभिन्न सार्वजनिक कार्यक्रममा सहभागी हुन लामिछाने चितवन आउन लाग्नुभएको हो । लामिछाने सहभागी हुने शनिबारको विभिन्न कार्यक्रम तय भइसकेको उहाँका सहयोगी प्रकाश सिग्देलले जानकारी दिनुभयो । लामिछानेले भोली शनिबार बिहान साढे ६ बजे मौलाकालिका मन्दिरको दर्शन गर्नुहुनेछ । त्यसपछि आफ्नो निवासमा पुगि खाना खाएर खैरहनी जानुहुनेछ । त्यहाँ एक कार्यक्रममा सहभागी भई करिब २ बजेतिर कोटिहोम महायज्ञ र साढे २ बजेतिर लंकुस्थित अर्काे महायज्ञमा सहभागी हुनुहुनेछ । भोली बेलुकीपख मेघौली र…

प्रहरीको केन्द्रीय अनुसन्धान ब्यूरो (सीआईबी)ले गैँडाको चोरी शिकारमा संलग्न १५ जनाको टोलीलाई पक्राउ गरेको छ । लामो समय देखि गैँडा शिकारमा संलग्न रहँदै आएका टोलीलाई प्रहरीले विभिन्न मितिमा पक्राउ गरी बिहीबार सार्वजनिक गरेको हो । ब्युरोले अपरेसन ‘रुट टु रुट’ चलाएर प्रहरीले यी शिकारीलाई पक्राउ गरेको हो । लामो समयदेखि काठमाडौँ र अन्य क्षेत्रमा रहेर गैँडाको खाग बिक्रीमा संलग्न रहँदै आएका १५ जनालाई पक्राउ गरी कारबाही अघि बढाइएको ब्यूरोका प्रवक्ता सञ्जयसिंह थापाले जानकारी दिनुभयो । पक्राउ पर्नेमा झापाका इन्द्रमणि आचार्य, बाँकेकी जमुनाकुमारी शर्मा, पाल्पाका बाबुलाल भट्टराई, कैलालीका गणेश भनिने गजाधर सापकोटा, प्रताप चौधरी, ललितपुरका डम्बरकुमार आले मगर, गोरखाका दानबहादुर राना,…

कालिका नगरपालिकामा असि वर्ष माथिका जेष्ठ नागरिक र रातो कार्ड पाएका जेष्ठ नागरिकहरुको घर– घरमा गई स्वास्थ्य परिक्षण तथा औषधी वितरण कार्यक्रम सुरु गरिएको छ । कालिका नगर उप प्रमुख बिमल तामाङ्गबाट कालिका चार पिपरिया टोलमा कार्यक्रम गरि स्वास्थ्य परिक्षण तथा औषधी वितरण कार्यक्रम शुभारम्भ गरिएको हो । कालिका नगरपालिकाको एक देखि एघार ओटा वडा अन्तरगत सवै स्वास्थ्य संस्थाहरुले एकै पटक जेष्ट नागरिक र रातो कार्ड पाएका व्यक्तिहरुको घर– घरमा गई स्वास्थ्य परिक्षण तथा औषधी वितरण कार्यक्रम सुरु गरेको छ । कालिका नगरपालिकाले अशि बर्ष पुग्नुभएका जेष्ठ नागरिकहरुलाई बिमा अभिकर्ताहरु मार्फत निःशुल्क बिमा गरि कालिका नगर अस्पताल बाट तिन सय…