बागमती

माडीमा ध्रुवे हात्तीको आतंक जारी छ । गएराती माडी नगरपालिका–१ पाण्डवनगरमा ध्रुवेले दुईवटा घर भत्काएको छ । मंगलबार राती करीब ११ बजे पाण्डवनगरको गाउँमा प्रवेश गरी ध्रुवेले स्थानीय नेत्र बहादुर परियारको भान्सा घर पूर्णरूपमा र भुवन विश्वकर्माको घरको छानो भत्काएको हो । हात्ती आएको थाहा पाएलगत्तै घरभित्र रहेका स्थानीय भागेर बाँचेको पाण्डवनगर टोल विकास समितिका अध्यक्ष कृष्ण बहादुर पोखरेलले जानकारी दिनुभयो । चितवन राष्ट्रिय निकुञ्जको छेउमै रहेको सो गाउँमा जंगली जनावरले जनधनको क्षति गर्दै आएका छन् ।

इलाका प्रहरी कार्यालय गैंडाकोटको प्रमुखको जिम्मेवारी प्रहरी निरीक्षक रीता पौडेलले सम्हाल्नुभएको छ । नेपाल प्रहरी शिक्षालय भरतपुरबाट काजसरुवा भै गैंडाकोट पुग्नुभएकी प्रहरी निरीक्षक पौडेलले हिजो मंगलबारदेखि जिम्मेवारी सम्हाल्नुभएको हो । नेपाल प्रहरी अपराध अनुसन्धान कार्यालय बर्दियाको दरबन्दीमा रहनुभएकी पौडेल नेपाल प्रहरी शिक्षालय भरतपुरमा कार्यरत प्रहरी हुनुहुन्थ्यो । जिम्मेवारी सम्हाल्दै प्रहरी निरीक्षक पौडेलले गैंडाकोट क्षेत्रको शान्तिसुरक्षामा कुनै कमी हुन नदिने बताउनुभएको छ । उहाँले समुदाय–प्रहरी साझेदारीमा नै शान्तिसुरक्षासँगसँगै विकृति र विसंगति न्यूनीकरणलाई प्राथमिकता दिने उहाँको भनाई छ । निरीक्षक पौडेल (आइपिएस) तालिम प्राप्त प्रहरी २०७४ सालमा प्रहरी सेवामा प्रवेश गर्नुभएको हो ।उहाँले गैंडाकोट लागुऔषधको मुख्य नाकाको रुपमा देखिएको बताउँदै त्यसलाई रोक्न…

सरुवा भएर गृहमन्त्रालय जान लाग्नुभएका चितवनका प्रमुख जिल्ला अधिकारी (सिडिओ) अस्मान तामाङलाई जिल्लाका माछा व्यवसायीले बिदाई गरेका छन्। हिजो सोमबार सिडिओकै कार्यकक्षमा पुगेर माछा व्यवसायीले बिदाई गर्नुका साथै आगामी कार्यकालको शुभकामना व्यक्त गरेका हुन् । कार्यक्रममा बोल्दै मत्स्य व्यवसायी संघका अध्यक्ष खगेन्द्र सुवेदीले चितवन मत्स्य ब्यवसायी संघले थालेको अवैज्ञानिक र अस्वस्थ्य विदेशी माछा नियन्त्रण तथा अनुगमन सम्बन्धमा ऐतिहासिक सहयोग एवम् आन्दोलनमा एक्येबद्दताको लागि सिडिओ तामाङलाई धन्यावद दिनुभयो । सुवेदीले सिडिओ तामाङलाई सफल कार्यकालको शुभकामना समेत दिनुभयो । माछा व्यवसायीसँग विगतमा भएका सबै तिक्तता विर्सन आग्रह गर्दै ऐन कानुन निर्माणमा र त्यसको कार्यान्वयनमा सदैव सकारात्मक रहेको बताउनुभएको थियो । कार्यक्रममा केन्द्रीय…

भरतपुर महानगरपालिका वडा न २१ ले आज मंगलबारबाट निःशुल्क लोकसेवा तयारी कक्षा सञ्चालनमा ल्याएको छ । लोकसेवा ज्ञानसागर प्रशिक्षण केन्द्र भरतपुरको सहजीकरणमा आयोजना गरिएको कार्यक्रमलाई भरतपुर महानगरपालिकाका नगर उपप्रमुख चित्रसेन अधिकारीले एक कार्यक्रमका बीच उद्घाटन गर्नुभएको हो । उद्घाटन कार्यक्रमलाई सम्बोधन गर्दै उपप्रमुख अधिकारीले समाज परिवर्तनका संवाहक युवाहरूको लागि यो तालिम निकै प्रभावकारी हुने बताउनुभयो । युवाहरुमा सकारात्मक भावनाको विकास गराई कुशल नेतृत्व, सफल, मेहनती, प्रतिस्पर्धी र इमान्दार युवाका रुपमा स्थापित गराउन वडाले लोकसेवा तयारी कक्षा सञ्चालन गरेको उहाँको भनाई छ । उपप्रमुख अधिकारीले अब राज्यका सबै तह र तप्कामा यस वडाका युवायुवतीहरुको पहुँच पुग्ने छ भन्नेमा आफू पूर्णरुपमा विश्वस्त…

चितवनको इच्छाकामना गाउँपालिकाले गाउँपालिका भित्र रहेका अत्यन्त निम्न वर्गीय परिवारको घर निर्माण गरिदिने भएको छ । गाउँपालिकाले आफ्नै स्रोत तथा विभिन्न सघसंस्थाहरुसँगको सहयोगमा गाउँपालिका भित्र रहेका आफैले घर निर्माण गर्न नसक्ने अत्यन्त निम्न वर्गीय परिवार पहिचान गरि उनीहरुको घर निर्माण गर्ने तयारी थालेको हो । यसका लागि शनिबार गाउँपालिका अध्यक्ष दान बहादुर गुरुङ र उपाध्यक्ष माया सिलवाल सहितको एक टोली इच्छाकामना गाउँपालिका ७ ढाँडबारीमा पुगी अवलोकन गरेको थियो । उक्त गाउँका निम्न वर्गीय परिवारको घर निरिक्षण गर्दै गाउँपालिका अध्यक्ष दान बहादुर गुरुङले तत्काल घर निर्माणका लागि सामाग्रीहरु उपलब्ध गराउने उनीहरु समक्ष प्रतिबद्धता गर्नुभयो । अध्यक्ष गुरुङले घर निर्माणको लागि आवश्यक…