Admin

काठमाडौं, पुस १९ । राष्ट्रिय सभाको आसन्न निर्वाचनका लागि नेकपा एमालेले १९ जना उम्मेदवार टुंगो लगाएको छ । तुल्सीलाल स्मृति प्रतिष्ठान च्यासलमा सोमवार बसेको बैठकले राष्ट्रिय सभा निर्वाचनका लागि उम्मेदवारहरूको नाम टुंगो लगाएको हो । राष्ट्रिय सभामा फागुन २० बाट रिक्त हुने १९ सीटका लागि आगामी माघ १२ गते निर्वाचन हुँदैछ । अर्को एक सीटमा भने सरकारको सिफारिशमा राष्ट्रपतिले मनोनित गर्नेछिन् । सत्तारुढ गठबन्धनले चुनावी तालमेल गरेर अगाडि बढ्ने सहमति गरिसकेकाले प्रदेश १ बाहेक अन्यत्र एमालेले जित्ने सम्भावना नगण्य छ । तैपनि एमालेले सबै सीटमा उम्मेदवारी दिनेगरी उम्मेदवार चयन गरेको हो । हेर्नुहोस्, एमाले उम्मेदवारहरूको सूची : प्रदेश–१ खुलाः देवराज घिमिरे…

काठमाडौं, पुस १९ । नेकपा माओवादी केन्द्रको अध्यक्षमा पुष्पकमल दाहाल ‘प्रचण्ड’ निर्विरोध निर्वाचित भएका छन् । नवनिर्वाचित केन्द्रीय समितिको सोमवार बसेको बैठकमा नेता नारायणकाजी श्रेष्ठले अध्यक्षमा प्रचण्डको नाम प्रस्ताव गरेका हुन् भने नेता कृष्णबहादुर महराले प्रचण्डको नाममा समर्थन गरेका छन् । झण्डै ३ दशकदेखि पार्टीको अध्यक्ष रहेका प्रचण्ड आठौं महाधिवेशनपछि पुनः अध्यक्षमा निर्वाचित भएका हुन् ।

काठमाडौं, पुस १९ । राष्ट्रियसभा निर्वाचनका लागि नेपाली कांग्रेसले उम्मेदवारहरूको नाम टुंगो लगाएको छ । पार्टी कार्यालय सानेपामा बसेको पदाधिकारीको बैठकले ६ जना उम्मेदवार टुंगो लगाएको हो । आजै बिहान बसेको सत्तारुढ गठबन्धनले राष्ट्रियसभा निर्वाचनका लागि भागवण्डा मिलाएको थियो । आगामी माघ १२ गते हुने राष्ट्रियसभा निर्वाचनका लागि भोलि मंगलबार मनोनयन दर्ता हुँदैछ । जसमा कांग्रेसले गोपाल बस्नेत, कृष्णप्रसाद पौडेल, कमला पन्त, युवराज शर्मा, दुर्गा पन्त र नारायणदत्त मिश्रलाई उम्मेदवार बनाउने निर्णय गरेको डा.शेखर कोइरालाले जानकारी दिए । केन्द्रीय समिति बैठकअघि बसेको पदाधिकारी बैठकले यी नाममा सहमति जुटाएको थियो । उक्त नामहरू पदाधिकारी बैठकलगत्तै केन्द्रीय समिति बैठक बसेर अनुमोदन गरिएको…