अन्तर्राष्ट्रिय समाचार

राष्ट्रिय स्वतन्त्र पार्टीबाट प्रतिनिधि सभा सदस्यमा निर्वाचित इन्दिरा राना मगरले उपसभामुख पदमा उम्मेदवारी दिनु भएको छ । सत्ता गठबन्धनका तर्फबाट उहाँले उपसभामुख पदका लागि उम्मेदवारी दिनु भएको हो । राष्ट्रिय स्वतन्त्र पार्टीको संसदीय दलको बैठकले उपसभामुखमा इन्दिरा रानामगरलाई उम्मेदवार बनाउने निर्णय गरेको थियो । सत्तारुढ दलबीचको सहमति अनुसार उपसभामुख पद राष्ट्रिय स्वतन्त्र पार्टीको भागमा परेको हुँदा सोहि सहमति अनुसार उपसभामुखको उम्मेदवार तय गरेको हो । उपसभामुखकी उम्मेदवार रानामगरको प्रस्तावकमा राष्ट्रिय स्वतन्त्र पार्टी (रास्वपा) की सोविता गौतम र समर्थकमा एमालेका कृष्णगोपाल श्रेष्ठ, माओवादी केन्द्रकी नारायणी शर्मा रराप्रपाका राजेन्द्र प्रसाद लिङ्देन हुनुहुन्छ । उपसभामुखको भोलि शनिबार निर्वाचन हुँदैछ । प्रतिनिधिसभाको उप–सभामुख पदका…

प्रतिनिधि सभाका उपसभामुख पदको चुनाव यहि माघ ७ गते शनिवार हुने भएको छ । प्रतिनिधि सभाको बिहीवार बसेको बैठकमा सभामुखको भूमिकामा रहनुभएका ज्येष्ठ सदस्य पशुपतिशम्शेर जबराले उपसभामुख पदको चुनाव माघ ७ गते हुने घोषणा गर्नुभएको हो । साथै उहाँले प्रतिनिधि सभा उपसभामुखको चुनावको सूचना प्रकाशित गर्न पनि संसद् सचिवालयलाई निर्देशन दिनुभयो । आजको बैठकले सभामुखमा नेकपा एमालेका सांसद देवराज घिमिरेलाई निर्वाचित गरेको छ । घिमिरेको पक्षमा एक सय ६७ मत आउँदा नेपाली कांग्रेसकी ईश्वरीदेवी न्यौपानेले एक सय मत प्राप्त गर्नुभयो । त्यस्तै एक मत भने कसैलाई समर्थन नगर्ने पक्षमा खसेको थियो ।