प्रवास

अफगानिस्तानको विदेश मन्त्रालय नजिक हिजो बेलुका आत्मघाती बम विस्फोट हुँदा कम्तीमा २० जनाको ज्यान गएको छ । ४० जनाभन्दा धेरै घाइते भएका छन् । अफगानी सुरक्षा निकायले भने अहिलेसम्म पाँच जनाको मात्रै ज्यान गएको पुष्टि गरेको जनाइएको छ । तालिबान सरकारले हताहतको संख्यालाई कम रिपोर्ट गरेको आरोप छ । इस्लामिक स्टेटले आक्रमण आफूले गराएको दावी गरेको छ ।

चीनले दक्षिण कोरिया र जापानका नागरिकलाई चीन प्रवेशका लागि भिसामा प्रतिबन्ध लगाएको छ । कोरोना भाइरस संक्रमणको नाममा चिनियाँ नागरिकमाथि ती देशहरुले विभेद गरेको भन्दै चीनले यस्तो कदम चालेको हो । पछिल्लो समय चीनमा कोरोना बढेपछि दक्षिण कोरिया, जापान, अमेरिकालगायतका देशले चिनियाँ नागरिकमाथि कडा निगरानी गर्नुका साथै यात्रामा रोक लगाएका छन् । शुन्य कोभिड नीतिबाट पछि हटेसँगै चीनमा कोरोना सङक्रमण फैलिएको छ । चीनमा नयाँ सब–भेरिएन्ट बीएफ–७ तीव्र रूपमा फैलिएको र त्यसका कारण अस्पतालका सघन उपचार कक्ष भरिएका विश्व स्वास्थ्य संगठन (डब्लूएचओ)ले बताउँदै आएको छ ।

अमेरिकी राष्ट्रपति जो बाइडेनले चीनमा भइरहेको कोभिड–१९ को महामारी नियन्त्रणको व्यवस्थापनलाई लिएर चिन्ता व्यक्त गर्नुभएको छ । विश्व स्वास्थ्य संगठन (डब्लुएचओ)ले चीनले बुझाएको प्रतिवेदनमा कोभिड–१९ बाट मृत्यु हुनेको विवरण नरहेको जिकिर गरेपछि उहाँले चिन्ता व्यक्त गरेको रोयटर्सले जनाएको छ । चीनले गत महिना कडा कोभिड नियन्त्रणहरू खारेज गरेपछि अमेरिकालगायत एक दर्जन भन्दा बढी राष्ट्रहरूले चीनबाट आउने यात्रुहरूमा प्रतिबन्ध लगाएको छ । जसले यसको १.४ बिलियन जनसंख्यालाई तीन वर्षसम्म भाइरसबाट जोगाएको थियो । चीनमा हाल विश्वव्यापी स्वास्थ्य अधिकारीहरूले प्रकोप नियन्त्रणमा लिन खोजिरहेका छन् । तर चीनले दिएको तथ्यांकसँग बाँझिने गरी अस्पतालहरू र अन्त्येष्टि घरहरू भरिएका छन् । डब्लुएचओका आपतकालीन निर्देशक माइक…