चितवनमा ग्यास ट्यांकर दुर्घटना हुदाँ एक जनाको मृत्यु
चितवनमा एलपी ग्यास लोड गरेको ट्यांकर पल्टिँदा एक जनाको मृत्यु भएको छ । पृथ्वी राजमार्ग अन्तरगत चितवनको इच्छाकामना गाउँपालिका ४ लेवाटारमा आज बिहान ६ बजेतिर ट्यांकर पल्टिँदा एक जना पुरुषको मृत्यु भएको हो । जिल्ला प्रहरी कार्यालय चितवनका अनुसार मुग्लिनबाट काठमाडौंतर्फ गइरहेको युपी ७० डिटी ६०५५ नम्बरको भारतीय ट्यांकर अनियन्त्रित भई सडक छेउमा पल्टिएको हो । मृतकको नाम ठेगाना खुलेको छैन । दुर्घटनामा परि अर्का एक जना गम्भीर घाइते भएका छन् । उनको पुरानो मेडिकल कलेज भरतपुरमा उपचार भइरहेको प्रहरीले जनाएको छ ।
