आर्थिक अवस्था कमजोर हुँदा नागरिकहरू रोग पालेरै बस्न बाध्य ।।

नेपालको संविधानले स्वास्थ्यको हकलाइ मौलिक हक अन्तर्गत राखेको भए पनि आर्थिक अवस्था कमजोर हुदाँ नागरिकहरू रोग पालेरै बस्न बाध्य भएका छन् । देशमा तीन तहको सरकार भए पनि विपन्न नागरिकलाई उपचार गर्नै सकस छ । विशेषगरि जटिल रोग लागेका र दुर्घटनामा परेर घाइते भएकाहरू दीर्घ रोग खप्न बाध्य भइरहेका छन् । माण्डवी गाउँपालिका २ मर्कावाङ प्यूठानका ६५ वर्षका मोतिकला सार्कीले आर्थिक अवस्था कमजोर हुँदा ५ वर्षदेखि ओछ्यानमै थला परेको बताउनुभयो । सोहि स्थानका रेकम घर्ति मगरले दुर्घटनामा परेर घाइते भएको शरिरको उपचार गर्न रकमको अभाव भएको बताउनुभयो । नाजुक आर्थिक अवस्थाका कारण समयमै उपचार नपाएर रोग पालेर बस्ने तथा अकालमा मृत्यु भएकाहरू प्यूठानमा धेरै छन् । संविधानको व्यवस्था अनुसार नागरिकको उपचार निशुल्क रूपमा गरिदिनुपर्ने सरोकारवाला बताउँछन् ।