अन्तर्राष्ट्रिय समाचार

पोखरा विमान दुर्घटनामा दुख व्यक्त गर्दै सरकारले आज सार्वजनिक विदा दिएको छ । आन्तरिक उडानमा अहिलेसम्मकै ठूलो मानवीय क्षति भएकाले मन्त्रिपरिषद्को आकस्मिक बैठकले आज शोक बिदा दिई राष्ट्रिय झण्डा आधा झुकाउने निर्णय गरेको हो । अत्यावश्यक सेवाका रुपमा रहेका अस्पताल तथा स्वास्थ्थ केन्द्र, एम्बुलेन्स सेवा, औषधि निर्माण तथा बिक्री वितरण सम्बन्धी सेवा, फोहोरमैलाको सङ्कलन लगायतका सेवा भने सञ्चालन हुने गृह मन्त्रालयले जनाएको छ । सरकारले शोक बिदा दिने निर्णयको भने सामाजिक सञ्जालमा आलोचना भइरहेको छ । बिदाभन्दा पनि पीडितको परिवारलाई छिटो राहत वितरण तथा आउँदा दिनमा दुर्घटना हुन नदिनको लागि आवश्यक पहल गर्नुपर्नेमा धेरैको सुझाव छ । त्यस्तै उक्त विमान…

यातायात व्यवस्था कार्यालय सुकेधाराका तत्कालीन पूर्व निमित्त प्रमुख गणेशप्रसाद पोखरेलमाथि गैरकानुनी सम्पत्ति आर्जन गरेको अभियोगमा भ्रष्टाचारमुद्दा दायर भएको छ । अख्तियार दुरुपयोग अनुसन्धान आयोगले एक करोड छ लाख रुपैयाँ बिगो मागदाबीसहित भ्रष्टाचार मुद्दा दायर गरेको अख्तियारले जनाएको छ । यातायात व्यवस्था कार्यालय सवारी चालक अनुमतिपत्र सुकेधाराका तत्कालीन निमित्त कार्यालय प्रमुख पोखरेल अहिले राष्ट्रिय भूमि आयोग ताहाचलमा कार्यरत हुनुहुन्छ । शाखा अधिकृतस्तरका कर्मचारी पोखरेल २०४६ सालमा सरकारी सेवा प्रवेश गर्नुभएको हो ।

नेपाल प्रहरीका १७ जना प्रहरी नायब महानिरीक्षक (डीआईजी)को आज बिहीबार काज सरुवा भएको छ । जसमा डीआईजी बसन्तबहादुर कुँवरले मधेश प्रदेश प्रहरी कार्यालयको जिम्मेवारी पाउनुभएको छ । उहाँ प्रहरी प्रधान कार्यालय, नक्सालमा कार्यरत हुनुहन्थ्यो । त्यस्तै, मधेशका प्रहरी प्रमुख मसाउद आलम खाँ उपत्यका प्रहरी कार्यालय, रानीपोखरीमा जानुभएको छ । त्यस्तै, कर्णाली प्रदेशका पोषराज पोख्रेल प्रहरी महानिरीक्षकको सचिवालयमा पुग्नुभएको छ भने कर्णाली प्रदेश प्रहरीको नेतृत्व भीमप्रसाद ढकाललाई दिइएको छ । डीआईजी दीपक थापालाई बागमती प्रदेश प्रहरी कार्यालय, हेटौंडामा खटाइएको छ । सुदूरपश्चिम प्रदेश प्रहरी कार्यालय, धनगढीको जिम्मेवारी अशोक सिंहले पाउनुभएको छ । त्यस्तै, प्रहरी प्रवक्ता टेकप्रसाद राईलाई लुम्बिनी प्रदेश प्रहरी कार्यालय…

मलेसियामा बन्धक बनाइएका १९ जनामध्ये सात जना नेपाली हिजो स्वदेश फर्किएका छन् । नेपाल सरकारको पहलपछि उनीहरु हिजो नेपाल आइपुगेका हुन् । १२ जना नेपाली अझै अलपत्र परेका छन् । गोरखाका ठाकुर रेग्मी र कमलबाबु श्रेष्ठ, बैतडीका कैलाश लोहार, मकवानपुरका भुवन कोइराला र ईश्वर कोइराला तथा धादिङका बाबुलाल विक लगायतका नेपाल फर्किएका हुन् । अलपत्र परेका अन्य १२ जनालाई पनि नेपाल फर्काउने पहल भइरहेको जनाइएको छ । अलपत्र अवस्थामा रहेका १२ जनाको बसाइ कष्टकर रहेको बताइएको छ । रोजगारीको सिलसिलामा मलेसिया पुगेकाहरु ग्त पुस १७ गतेबाट केलाङ भन्ने सहरको एक भवनको तेस्रो तलामा बन्धक बनाइएको थियो । काठमाडौंस्थित सानेपाको खोजी…