चितवन सेरोफेरो

राप्ती । राप्ती नगरपालिकाले बजारक्षेत्रको अनुगमनमा गरेको छ । राप्ती नगरपालिकाका उप प्रमुख देवेन्द्र लामाको नेतृत्वमा गरिएको अनुगमनमा अखाद्य वस्तु र म्याद गुज्रिएका सामान भेटिएका छन् । खुरखुरे चोकको एक किराना पसलबाट १७ प्याकेट लेज र केही थान मसाला म्याद गुज्रिएको पाइएको हो । त्यस्तै मिष्ठान्न भण्डारमा जेरी तथा लड्डुहरुमा कृत्रिम रङ्गको प्रयोग गरिएको पाइएको खाद्य प्रविधि एवं गुण डिभिजन कार्यालय भरतपुरकी खाद्य निरीक्षक बन्दना पन्तले बताइन् । "खानेकुरामा कृत्रिम रङ्ग हाल्न पाइदैन ।" उनले भनिन् "यसले क्यान्सर जस्तो घातक रोग निम्त्याउन सक्छ ।" यस्तै केही मिष्ठान्न भण्डारमा पकाउने तेल गुणस्तरहीन भएको उनले बताइन् । ३ वटा मिठाई पसलबाट लगभग…

२ भदौ । पूर्वी चितवनमा रहेको रत्ननगर बकुलहर अस्पतालका सबै शैया निःशुल्क गरिएको छ । बागमती प्रदेशको स्वास्थ्य मन्त्रालयको निर्देशनपछि अस्पतालले शैया निःशुल्क गरेको हो । अस्पतालका मेडिकल सुपरिटेण्डेण्ट डा.मदन ज्ञवालीका अनुसार भदौ १ गतेदेखि लागू हुने गरी शैया निःशुल्क गरिएको छ । अस्पतालमा रहेका ९० शैया मध्ये आईसियू, एनआईसियू र क्याबिन बाहेकका शैया निःशुल्क गरिएको उहाँले जानकारी दिनुभयो । अस्पतालमा क्याबिन, एनआईसियू र आईसियू गरी १४ शैया रहेका छन् । बाँकी ७६ शैया निःशुल्क गरिएको डा.ज्ञवालीको भनाई छ । अस्पतालमा यस अघि नै १० प्रतिशत शैया र उपचार निःशुल्क गरिसकिएको डा.ज्ञवालीले जानकारी दिनुभयो । बागमती प्रदेशको स्वास्थ्य मन्त्रालयले मातहतका…

पेट्रोलमा डिजल मिसाइएको भन्दै खैरहनी मगनी चोकस्थित हरिशरणम आयल डिष्टिब्युटर्सलाई खैरहनी नगरपालिकाले बन्द गराएको छ । पेट्रोलमा डिजल मिसाइएको गुनासो धेरै आएपछि खैरहनी नगरपालिकाको टोलीले अनुगमन गरेर तत्कालका लागि उक्त पम्पबाट डिजल तथा पेट्रोल वितरणमा रोक लगाएको हो । पेट्रोल प्रयोगपछि केही सर्वसाधारणको सवारीसाधनमा समस्या आएपछि यो घटना बाहिर आएको हो । घटना बाहिर आएपछि खैरहनी नगरपालिकाका नगरप्रमुख शशिकुमार खनियाँ, उपप्रमुख कविता उप्रेती, प्रमुख प्रशासकीय अधिकृत पुरूषोत्तम शर्मा, खैरहनी–८ का वडा अध्यक्ष शंकर कँडेल, इलाका प्रहरी कार्यालय खैरहनीका प्रमुख प्रहरी निरीक्षक भानु खड्कासहितको टोलीले आयल स्टोर्सको अनुगमन गरेको थियो । डिष्टिब्युटर्सको तेल परीक्षणका लागि काठमाडौँ पठाउन नमुना संकलन गरिएको र…

साउन २८ गते । कुमरोज मध्यवर्ती सामुदायिक वन उपभोक्ता समुहको वन क्षेत्रमा आइतबार बृक्षारोपण गरिएको छ । वनको ईकाइ दुई अन्तर्गत हात्ती काउन्टर नजिक बृक्षारोपण गरिएको हो । खैरहनी नगरपालिका वडा नम्बर १३ का वडा अध्यक्ष कुलप्रसाद भुसालको प्रमुख आतिथ्यतामा भएको कार्यक्रमम वृद्धबृद्वाहरुले विरुवा रोपेका थिए । सोही अवसरमा ४८ जना वृद्धबृद्वाहरुलाई सम्मान समेत गरिएको थियो । सम्मानित वृद्धबृद्वाहरुलेनै धुपी,आँप लगायतका बिरुवा रोपेका वनका कार्यालय सचिव भरत नेपालले जानकारी दिए । कार्यक्रमका प्रमुख अतिथि वडा अध्यक्ष भुसालले यहाँका जेष्ठ नागरिकले नै वन संरक्षण गरेको उल्लेख गर्दै युवा पुस्तालाई पनि संरक्षण गर्न प्रेरित गर्ने बिश्वास व्यक्त गरे । सम्मानित जेष्ठ नागरिककै…