प्रदेश

रत्ननगर । पूर्वी चितवनको रत्ननगरमा आज शनिबार स्तनपान सम्बन्धी सचेतना मुलक कार्यक्रम गरिएको छ । रत्ननगर नगरपालिकाको वडा नं १ मा सामाजिक रुपान्तरण अभियान नेपालले उक्त कार्यक्रम आयोजना गरेको हो । गर्भवती महिलाहरुलाई स्तनपानको महत्व र आवश्यकताको विषयमा बुझाउन कार्यक्रम आयोजना गरिएको संस्थाकी सचिव अनिता अर्यालले जानकारी दिनुभयो । कार्यक्रमको उद्घाटन गर्दै वडा नं १ का वडाध्यक्ष तथा नगर प्रवक्ता कुलप्रसाद सापकोटाले स्तनपान आमा र बच्चा दुबैको लागि आवश्यक रहेको भन्दै यसबारे सचेतना आवश्यक रहेको बताउनुभयो । शारिरीक बनौट विग्रने डरले कतिपय महिलाहरुले बच्चालाई दुध नचुसाउने गरेको भन्दै उहाँले त्यसले आमा र बच्चा दुवैैलाई असर गर्ने बताउनुभयो । कार्यक्रममा विपी…

चितवनको भरतपुर महानगरपालिका वडा नं. १ आँपटारीमा दुईसय २० केभीको नयाँ सबस्टेशन तयार भएको छ । अहिले सबस्टेशन परीक्षणको काम चलिरहेको र अर्को महिना सबस्टेशन चार्ज गरिने आयोजना प्रमुख नारायण रेग्मीले जानकारी दिनुभयो । सबस्टेशनको केही दिन अगाडि नेपाल विद्युत प्राधिकरणका प्रमुख कुलमान घिसिङ्गले अवलोकन गरी फर्किनुभएको थियो । सबस्टेसनमा एकसय६०÷एकसय ६० एमभीए क्षमताका दुई वटा पावर ट्रान्सफर्मर रहने छन् । मस्याङ्दी करिडोर दुईसय २० केभी प्रसारण लाइन आयोजना अन्तर्गतका तयार भएको सबस्टेशनमा तनहुँ जलविद्युत आयोजना एकसय ४० मेगावाटबाट उत्पादित विद्युत पनि ल्याएर जडान गरिनेछ । नयाँ भरतपुर सबस्टेशन ‘ग्याँस इन्सुलेटेड सबस्टेसन (जीआईएस)’ प्रविधिमा आधारित छ । भरतपुरमा पहिल्यै सबस्टेशन…

रत्ननगर नगरपालिकाको विपन्न नागरिक सिफारिस समितिको बैठकले रत्ननगर नगरपालिकाभित्र बसोबास गरेका चार प्रकारका दीर्घरोगीलाई मासिक पाँच हजार रूपैयाँ उपचार खर्चबापत प्रदान गर्ने निर्णय गरेको छ । नगरप्रमुख प्रल्हाद सापकोटाको अध्यक्षतामा बसेको बैठकले मृर्गौला प्रत्यारोपण, मृर्गौला डायलासिस, क्यान्सरपीडित र मेरूदण्ड पक्षघात भएका बिरामीहरुलाई औषधि उपचारबापत खर्च उपलब्ध गराउनेसम्बन्धी कार्यविधि २०७८ को परिच्छेद १ को २ (ग) तथा स्वास्थ्य तथा जनसंख्या मन्त्रालयको पिसिएस प्रष्टीकरण पत्रानुसार मासिक पाँच हजार रूपैयाँ प्रदान गर्ने निर्णय गरेको हो । रत्ननगर नगरपालिकाले स्वास्थ्य उपचारबाट कोही पनि वञ्चित हुनु नपरोस् भन्ने उद्देश्यले १६ वटै वडामा आधारभूत स्वास्थ्य केन्द्रमार्फत ज्येष्ठ नागरिक, दीर्घरोगी, असहाय तथा अपाङ्गता भएका व्यक्तिहरुका लागि घरघरमै…