प्रदेश

फागुपूर्णिमा अर्थात होली पर्व आज तराईका जिल्लामा हर्षोल्लासका साथ एकआपसमा रङ र लोला खेली आपसी सद्भाव साटेर मनाइँदै छ । हिजो सोमबार हिमाली एवं पहाडी जिल्लामा सो पर्व मनाइएको थियो । वसन्त ऋतुको आगमनसँगै आपसी मेलमिलाप र सद्भावनाको सन्देश लिएर आउने फागु पर्व असत्यमाथि सत्यको विजयको प्रतीक, पारिवारिक एवं सामाजिक एकताका रुपमा मनाउने प्रचलन रही आएको छ । बहुजातीय, बहुभाषिक, बहुधार्मिक र बहुसांस्कृतिक विशेषताले भरिपूर्ण सुन्दर देश नेपालमा मनाइने विभिन्न चाडपर्वले सुदृढ सामाजिक एकता कायम गर्ने विश्वास गरिन्छ ।

चितवन जिल्ला खानेपानी तथा सरसफाइ उपभोक्ता महासंघको अध्यक्षमा धनबहादुर गुरूङ चयन हुनुभएको छ । भरतपुरमा सम्पन्न चौथो अधिवेशनले गुरूङको अध्यक्षतामा नयाँ कार्यसमिति चयन गरेको हो । समितिको उपाध्यक्षमा दिलकुमारी लामा, सचिवमा सरस्वती लामा, सहसचिवमा खुमप्रसाद पन्त, कोषाध्यक्षमा रुविन पौडेल र सदस्यहरुमा शिवलाल भुर्तेल, माधवप्रसाद अर्याल, मनकुमार गुरूङ, जोखाप्रसाद चौधरी, राजकुमार शाह, कृष्णराज अधिकारी, केशव सिलवाल, सविता गौतम दाहाल र इन्दुराज खनाल चयन हुनुभएको छ । अधिवेशनले लेखा समिति संयोजकमा भीमबहादुर क्षेत्रीलाई चयन गरेको छ । त्यस्तै सदस्यहरुमा मिलन पाण्डे र सरस्वती लम्साल पौडेल चयन हुनुभएको छ । उक्त अधिवेशनले संघीय प्रतिनिधिमा सिर्जना बसौला देवकोटा, चन्द्र्रमाया लामा, माधवप्रसाद अर्याल र हरिप्रसाद…

चितवन जिल्लामा पालिएका कुकुरमा ‘पार्वो भाइरस’को सङ्क्रमण देखिएको छ । भेटेनरी अस्पताल तथा पशुसेवा विज्ञ केन्द्र चितवनका अनुसार जिल्लाका विभिन्न स्थानमा पालिएका कुकुरमा सो भाइरसको सङ्क्रमण देखिएको हो । अस्पतालमा उपचारका लागि ल्याइएका कुकुरमा ३० देखि ४० प्रतिशतमा भाइरस देखिएको केन्द्रका सूचना अधिकारी डा प्रभात न्यौपानेले बताउनुभयो । मौसममा आएको परिवर्तनसँगै यो समस्या आएको हो । घरपालुवा कुकुर उपचारको लागि ल्याउने गरिए पनि सडकमा रहेका भुस्याहा कुकुरको उपचारमा भने कसैले ध्यान नदिएको न्यौपानेको भनाई छ । यो रोग घरपालुवासहित छाडा छोडिएका कुकुरमा देखिने गरेको बताइएको छ । पार्वोको सङ्क्रमण भएका कुकुरमा खानमन नलाग्ने, पखाला लाग्ने, रगत मासी पर्ने जस्ता लक्षण…

रत्ननगर जेसीजको आयोजनामा आउँदो चैत्र १६ गते रामनवमीको दिनमा रत्ननगर २ शिवालय मन्दिर परिसरमा सामुहिक व्रतबन्ध हुने भएको छ । बढ्दो महंगी, खस्किदो अर्थतन्त्र र बजारमा चलिआएको तडक भडकका कारण आफ्नो चलन अनुसारको कार्य गर्नलाई निकै नै कष्टकर बन्दै आएकोमा केहि राहत पुर्याउने उदेश्यले जेसिजले सामुहिक व्रतबन्ध गर्न लागेको हो । सामुहिक हिसाबले यस्ता कार्यहरु गर्दा सबै जात जातिका मानिसहरु समेटिने र सामाजिक सहिष्णुताको सन्देश प्रवाह हुने भएकोले सामुहिक व्रतबन्ध कार्यक्रम आयोजना गर्न लागिएको रत्ननगर जेसीजका अध्यक्ष अमित कुमार गुप्ताले जानकारी दिनुभयो । जेसीज आस्थालाई पछ्याउदै सन् २००२ देखि नै रत्ननगर जेसीजले सामुहिक व्रतबन्ध कार्यक्रम गर्दै आइरहेको अध्यक्ष गुप्ताको भनाई…

काठमाडौँ उपत्यकालगायतका पहाडी जिल्लाहरुमा फागु पर्वका अवसरमा नेपाल सरकारले आज सोमबार सार्वजनिक विदा दिएको छ । चितवनका स्थानीय पालिकालगायत सरकारी कार्यालयहरुमा पनि आज बिदा छ तर पूर्वी चितवनको रत्ननगर नगरपालिकाले भने थारु समुदायका लागि भोली मंगलवार समेत सार्वजनिक बिदा दिएको छ । नगरपालिकाले सार्वजनिक सूचना जारी गरी थारु समुदायले भोलि मंगलवार पनि होली पर्व मनाउने भएकोले उक्त समुदायलाई मात्र सो दिन बिदा दिने निर्णय गरिएको जनाएको छ । रत्ननगर थारु समुदायको बाहुल्यता भएको नगर भएकाले पर्व मनाउन सहज होस् भनेर भोलि एकदिन थारु समुदायलाई मात्र सार्वजनिक बिदा दिइएको मेयर प्रल्हाद सापकोटाले जानकारी दिनुभयो । सामान्यतया होली काठमाडौँ उपत्यकालगायत पहाडी क्षेत्रमा…

नारायणी नदीमा सञ्चालनमा रहेका मोटर बोट, स्टिमरलगायतका जल यातायातबाट निस्कने ध्वनि प्रदूषणले जलचर प्रभावित बनेका छन् । माछा, गोहीलगायतका जलचरको बासस्थान रहेको नारायणी नदीमा पछिल्लो समय मोटर बोटको ध्वनि प्रदूषण बढ्दो क्रममा छ । बढ्दो ध्वनि प्रदूषण नरोकेमा जलचरहरूको बासस्थान र संरक्षणमा चुनौती देखिएको त्रिभुवन विश्वविद्यालय वातावरण विज्ञान केन्द्रीय क्याम्पसका उपप्राध्यापक दीपनारायण शाहले बताउनुभयो। अहिले मोटर बोट चलेका ठाउँमा माछा पाइनै छाडेको छ । नारायणीमा माछाको अवस्थाका बारेमा अध्ययन अनुसन्धान गर्दा जलचरहरूको पारिस्थितिक प्रणालीमा समेत यसले गम्भीर असर गरेको शाहको भनाई छ । नेपालमा पाइने एकसय ८५ प्रजातिका माछामध्ये नारायणीमा एकसय २० प्रजातिका माछा पाइने गरेका छन् । विशेष गरी…