चितवन सेरोफेरो

नेपाली कांग्रेसले चितवन जिल्लाका पूर्वसभापति विकास कोइरालामाथिको अनुशासनको कारबाही फुकुवा गरेको छ । उपचुनावलाई लक्षित गरेर पार्टीले कारबाही फुकुवा गरेको हो । यस्तै पूर्वसहमहामन्त्री गोविन्दराज जोशीको पनि कारवाही फुकुवा गरिएको छ । तनहुँ १ मा दुईपटक स्वतन्त्र उम्मेदवार बन्नुभएका जोशी र चितवनको तत्कालीन क्षेत्र नम्बर ४ मा स्वतन्त्र उम्मेदवार बन्नुभएका नेका कोइरालालाई पार्टीले कारवाही गरको थियो । ७० को संविधानसभा चुनावमा सुशील कोइरालाविरुद्ध बागी उठ्नुभएका विकास कोइराला त्यसताका पार्टी सभापतिसमेत हुनुहुन्थ्यो । कांग्रेस केन्द्रीय कार्य सम्पादन समितिको आज आइतबार बसेको बैठकले २०७९अघि कारबाहीमा परेकालाई आममाफी दिने निर्णयबाट जोशी र कोइरालाको कारबाही फुकुवा भएको हो । तत्कालीन पार्टी सभापति सुशील कोइरालाविरुद्ध…

उपनिर्वाचनको लागि उमेदवारहरु चुनावी प्रचारमा लागेका छन् । चितवन २ मा प्रतिनिधि सभा सदस्यको लागि रिक्त पदमा उमेदवारी दिन लाग्नुभएका नेपाली कांग्रेसका पूर्व जिल्ला सभापति जीतनारायण श्रेष्ठ र राष्ट्रिय स्वतन्त्र पार्टीका सभापति रवि लामिछाने चुनावी प्रचारमा जुट्नुभएको हो । उपनिर्वाचनको लागि निर्वाचन आयोगले भोलि चैत २० गते मनोनयन दर्ताको समय तोकेको छ । पूर्वसभापति श्रेष्ठले चुनाव लक्षित विभिन्न कार्यक्रमलाई सम्बोधन गर्न थाल्नुभएको छ । उहाँले राष्ट्रिय स्वतन्त्र पार्टीका सभापति लामिछाने र चुनाव चिह्न घण्टीप्रति आक्रामक अभिव्यक्ति दिन थाल्नुभएको छ । लामिछाने र घण्टी विरुद्ध बोल्दा आफुमाथि सामाजिक सञ्जालमा गाली गलौज हुन थालेको उहाँको गुनासो छ । मुख्य निर्वाचन अधिकृतको कार्यालय…